Элементтердин физикалык, химиялык касиеттерин окуп үйрөнүү айыл чарбасын химиялаштырууга, азык-түлүк жана энергетика маселелерин чечүүдө, жаратылышта белгисиз болгон заттарды жана материалдарды, толук жана жарым өткөргүчтөрдү, диэлектриктерди, ракеталык отунду, кычкылдандыргычтарды алуудагы билим денгээлинин негизги фундаментин түзөт. Кванттык теориянын принциптерине ылайык окуу куралы эки бөлүмдөн турат. Биринчи бөлүмдө s р-, ал эми экинчисинде d-, f-, элементтердин касиеттери каралат. Бул окуу куралын жогорку окуу жайларынын студенттери, окутуучулары, мектеп мугалимдери жана окуучулары, дегеле химия менен байланышкан адамдар колдонсо болот.

Окуу куралы жалаң эле мектеп окуучулары, орто жана жогорку окуу жайларынын студенттери, мугалимдери үчүн керек болбостон, химия менен байланышкан бардык тармактарга: женил жана тамак - аш өнөр жайларында, медицинада, айыл чарбада, экология проблема- ларын чечүүдө, химия өнөр жайларында керектүү деп ойлойбуз. Окуу куралды жазууда, эсептерди түзүүдө Кыргыз Улуттук университетинин химия жана технология факультетинин профессору С. Бообекова көп жылдык эмгек тажрыйбалары жана 40 жьл бою практикалык, лабораториялык иштерди жүргүзүүдо химия жана технология, биология, география, физика факультеттеринде жалпы химиядан сабак берүүдө кенири колдонулган.